ХУЛАН УУЛ ХХК-ийн бүрэлдэхүүнд багтах сүлжээ дэлгүүр нь 1996 онд "ЭФЭС" бөөний төв, супермаркет нэртэйгээр үйл ажиллагаа явуулж эхэлсэн бөгөөд 2000 гаруй нэр төрлийн бүтээгдэхүүний сонголттойгоор Монголын хамгийн анхны өөртөө үйлчлэх дэлгүүрүүдийн нэг болон байгуулагдаж байсан.
Өдгөө жижиглэн болон бөөний худалдааны салбарт өрсөлдөхүйц хэрэглэгчдийн итгэл найдварыг хүлээж чадсан Монгол улсын шилдэг сүлжээ дэлгүүрүүдийн нэг болжээ. Бид дотоод, гадаадын үйлдвэрлэгч, нийлүүлэгчдийн бараа бүтээгдэхүүнийг хэрэглэгчдийнхээ гарт түргэн шуурхай хүргэхийн тулд худалдааны эрүүл, аюулгүй, тав тухтай орчныг бүрдүүлэн ажилладаг.
2026 оны байдлаар 260 гаруй ажилтантай, 6 салбар дэлгүүртэй, 1 шингэн хүнсний бөөний төв, 1 гэр ахуйн барааны төрөлжсөн дэлгүүр болон 15000 гаруй нэр төрлийн бүтээгдэхүүнтэй, гадаад дотоодын 1000 гаруй харилцагчидтай Монголын худалдааны салбарын тэргүүлэгч компани болж хөгжсөн байна.
Хэрэглэгч, харилцагч, ажилтнаа дээдлэн, хэрэгцээт бараа бүтээгдэхүүн, үйлчилгээг ойртуулж, тогтвортой хөгжинө.
Итгэлт түнш ... ЭФЭС
Нийслэлд шинийг санаачлагч, тогтвортой хөгжлийг дэмжигч, салбартаа тэргүүлэгч компани болох
Сүүлийн жилүүдэд үйл ажиллагаагаа дижитал хэлбэрт шилжүүлж, программ хангамж, мэдээллийн системүүдийг бүрэн нэвтрүүлэн, барааны удирдлагын системийг хөгжүүлж, үйл ажиллагааны хурд, ил тод байдлыг нэмэгдүүлсэн.
Мөн салбар дэлгүүрүүдэд автомат тоног төхөөрөмжүүд, генератор, лифт, автомат касс зэрэг шийдлүүдийг нэвтрүүлж, ажилтнуудын хөдөлмөрийг хөнгөвчилж, хэрэглэгчдэд илүү хурдан, тав тухтай үйлчилгээ үзүүлэх нөхцөлийг бүрдүүлсэн.
Ажилтнуудынхаа мэдлэг, ур чадварыг тасралтгүй хөгжүүлэхэд онцгой анхаарч, жил бүр сургалтын цар хүрээг өргөжүүлэн, тогтвортой хөрөнгө оруулалт хийж, нийт 10,000 гаруй удаагийн хамрагдалттай мэргэжлийн, зөөлөн ур чадвар болон дижитал чадамжийг хослуулсан цогц хөгжлийн бодлогыг хэрэгжүүлж, сургалтыг байгууллагын стратегитай уялдуулсан нь онцлог юм.
Монгол Улсын Топ 100 аж ахуйн нэгжүүдийн жагсаалтад эрэмбэлэгдсэн амжилт
Хулан Уул ХХК нь олон жилийн туршид худалдаа, үйлчилгээний салбарт амжилт гаргаж, нэр хүндтэй байгууллагуудаас дараах шагналуудыг хүртсэн.
Хас Банк - Цахим гүйлгээг нэмэгдүүлэх аяны санхүүгийн сахилга бат, хамтын ажиллагааны өндөр түвшний “Хамтын ажиллагааны талархал”.
