NEWS

НИЙСЛЭЛИЙН ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН СУРГАЛТАНД АЖИЛТНУУДАА ХАМРУУЛАВ.

Хөдөлмөрийн аюулгүй байдал болон Эрүүл ахуйн талаарх ойлголтын талаар ажлын талбар дээр ажиллаж байгаа ажилчин бүрийг мэдлэг мэдээлллээр хангаж өгөх нь ажил олгогч бидний үүрэг юм. Хөдөлмөрлөх явцад хүний ажиллах чадвар, эрүүл мэндийг хэвээр хадгалах, эрүүл аюулгүй нөхцөлийг бүрдүүлэхэд чиглэсэн нийгэм, эдийн засаг, зохион байгуулалт, техник технологи, ариун цэвэр, эмчлэх, сувилах, нөхөн сэргээх, эрсдлээс хамгаалах үйл ажиллагааг ХАБЭА-н хуулийн хүрээнд зохих заалтууд, хэрэгжүүлж ажиллах дүрэм, журмын талаарх ойлголтыг олгох зорилгоор Нийслэлийн Хөдөлмөрийн Аюулгүй байдал, Эрүүл Ахуйн сургалтанд ажилчдадаа хамрууллаа.

"2024.06.21"

"EFESCUP 2024" МОРИН ТОЙРУУЛГЫН УРАЛДААН АМЖИЛТТАЙ ЗОХИОН БАЙГУУЛЛАА.

Жил бүр Эфэс группын ерөнхийлөгч С.Мөнхбат “ Эфэскап ’’ морин уралдааныг Дундговь аймагт зохион байгуулж морин спортын хөгжилд хувь нэмрээ оруулан явдаг. Энэ жил буюу 2024 онд Улаанбаатар хотод Монголын анхны шинэхэн морин тойруулгын газар амжилттай зохион байгуулж өндөрлөлөө.

"2024.06.13"

“EFES GROUP CHAMPIONSHIP 2024” 4 ТӨРӨЛТ СПОРТ НААДАМ АМЖИЛТТАЙ ЗОХИОН БАЙГУУЛАГДЛАА.

Эфэс групп нь группийн бүтцэд багтан үйл ажиллагаагаа явуулж буй нийт компани , салбар нэгжүүдийн ажилтнуудын хоорондын харилцаа, хамтын үйл ажиллагааг бэхжүүлэх, хамт олны уур амьсгалыг сайжруулах ,ажилчнуудынхаа эрүүл мэнд, бие бялдрыг чийрэгжүүлэх зорилготой жил бүр ‘ Спорт өдөрлөг’-өө зохион байгуулдаг билээ.

"2024.04.14"

БҮХ НИЙТИЙН АЖИЛЧДЫН ХУРАЛ АМЖИЛТТАЙ БОЛЛОО.

Хулан Уул ХХК нь жил бүр нийт ажилчдынхаа хуралаа зохион байгуулж тус хурлаараа өнгөрсөн жилийн ажлаа тайлагнан дүгнэж, ирэх жилийн зорилго, зорилтот ажлынхаа төлөвлөгөөгөө нийт ажилчдадаа танилцуулдаг билээ.

"2024.03.01"

ХҮҮХЭД БИДНИЙ ИРЭЭДҮЙ

Эфэс Групп компани нь хойч ирээдүй, гэрэл гэгээ болсон хүүхдүүдийнхээ төлөө боломжит бүх байдлаар хувь нэмрээ оруулахыг хичээдэг билээ. Энэ удаагийн төсөлд Дундговь аймагт баригдсан хүүхэд хөгжлийн төв болох "Ид шидийн орон"-д 10 сая төгрөгийн хандив өргөлөө. Хүүхэд болгоны нүд гэрэлтэй, жаргалтай байх болтугай.

"2024.03.10"

Баярын хурлын арга хэмжээний үеэр Худалдаа, үйлчилгээний салбар үүсэж хөгжсөний 100 жилийн ойг тохиолдуулан нэр бүхий хүмүүсийг Монгол Улсын Ерөнхийлөгчийн зарлигаар шагнав.

ХУДАЛДААНЫ ГАВЬЯАТ АЖИЛТАН ЦОЛООР:

Сосор Мөнхбат - Хулан Уул ХХК
Дамба Галсандорж- Монголын экспортлогчдын холбооны ерөнхийлөгч
Өвгөө Хандаа - Улсын их дэлгүүрийн худалдааны ахмад ажилтан
Дамдин Лхагважав - Цэцэнхангай ХХК-ийн захирал
Цэнд Халтар - Улсын их дэлгүүрийн худалдааны ахмад ажилтан
Товуусүрэн Бадамдорж - Худалдааны салбарын ахмад ажилтан

1921 онд Ардын харилцан туслалцах хоршоог үүсгэн байгуулснаас хойш орчин цагийн худалдааны салбар үүсэж хөгжсөний 100 жилийн ой тохиож байна. Ойн хүрээнд жилийн турш олон арга хэмжээ зохион байгуулсан бөгөөд өнөөдөр баярын хурлаа хийж, худалдаа, хоол үйлдвэрлэл, үйлчилгээний салбарын зарим ажилтнуудад төрийн дээд одон, медаль гардуулав.
МҮХАҮТ-ын Ерөнхийлөгч О.Амартүвшин Монгол Улсын ТОП 100 аж ахуйн нэгжийн 28 нь худалдааны салбарын компани байгаа нь энэ салбар өргөн цар хүрээтэй, нийгэм, эдийн засгийн суурь болсон салбар гэдгийг илтгэж байна.

МҮХАҮТ худалдааны салбарын 100 жилийн 61 жилийн түүхтэй нь салшгүй холбоотой гээд 2020 онд Монгол Улс АРТА-Ази, номхон далайн худалдааны хэлэлцээрт нэгдсэнээр монголын бараа бүтээгдэхүүн ази, номхон далайн орнуудад хөнгөлөлттэй үнээр борлогдох өргөн боломж нээгдсэн, ЕХ-ны улсад чиглэсэн Монголын худалдаа мэдээллийн төв болон цахим дэлгүүрийг Берлинд нээснээр энэхүү зах зээлд нэгдсэн экспортын бодлого хэрэгжүүлэх боломжоор хангагдсаныг хэлсэн үгэндээ онцоллоо.

АЖ ҮЙЛДВЭРИЙН ГАВЪЯАТ АЖИЛТАН ЦОЛООР:
Гомбожав Лхамсүрэн - Монголын хүнсчдийн холбооны ахмадын зөвлөлийн дарга
Чойжил Нямжав - Сайхан импекс ХХК-ийн захирал
Зундуй Энэбиш - Скай катеринг ХХК-ийн дэд захирал
Шагдар Сувдаа - Хөвсгөл их тайга ХХК-ийн дэд захирал
Намрал Лхагважав - Монголын хүнсчдийн холбооны зөвлөх, ахмадын зөвлөлийн гишүүн
Дамчий Тэрбиш- Хатансүйх импэкс ХХК-ийн эрүүл ахуйч зөвлөх
Раднаа Должинсүрэн - Сүү ХК-ийн ахмад ажилтан
Чулуунхүү Сарантуяа - Улаанбаатар хивс ХК-ийн нэхэх машины оператор

ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР:
Готов Маналжав- Худалдааны ахмад ажилтан
Гармаа Наранцэцэг- Худалдааны ахмад ажилтан
Далай Галсан- Худалдааны ахмад ажилтан
Очирцоо Мижиддорж- Худалдааны ахмад ажилтан

АЛТАН ГАДАС ОДОНГООР:
Хуандай Рамазан- Хоол үйлдвэрлэл, үйлчилгээний салбарын ахмад ажилтан
Шархүү Намсрай- Худалдааны ахмад ажилтан
Цэдэв Байгалмаа- Хоол үйлдвэрлэл, үйлчилгээний салбарын ахмад ажилтан
Нямдаа Отгонсайхан- Худалдаа Үйлдвэрлэлийн Их Сургуулийн Худалдаа, маркетингийн тэнхимийн эрхлэгч
Ганболд Мөнхбаясгалан-Худалдаа Үйлдвэрлэлийн Их cургуулийн дэд захирал
Санжжав Эрдэнэчимэг Хоол үйлдвэрлэл, үйлчилгээний салбарын ахмад ажилтан
Уртнасан Түмэнжаргал - Хоол үйлдвэрлэл, үйлчилгээний салбарын ахмад ажилтан

ХӨДӨЛМӨРИЙН ХҮНДЭТ МЕДАЛИАР:
Мянгаджав Уламбаяр -“Улаанбаатар гурил” ХХК-ийн ахлах савлагч
Гармаажав Энхжаргал -“Жүр үр” ХХК-ийн үйлдвэрийн менежер
Тогмид Хангинах - “Очир дагинас” ХХК-ийн ерөнхий захирал нар шагнуулав.

"2021.12.27"

ЭФЭС ГРУПП 25 НАС ХҮРЛЭЭ.

Эфэс группийн ууган компани “Хулан-Уул” 1996 онд Эфэс хүнсний бөөний төвийг байгуулж үйл ажиллагаагаа эхэлж байсан бид зогсолтгүй хөдөлмөрлөсөн он жилүүдийн үр дүнд 5 охин компани 500 гаруй ажилтан албан хаагчидтайгаар амжилттай үйл ажиллагаагаа явуулж байна.
Итгэлт түншлэл Найдвартай хамтын ажиллагаа халамж хүндлэл дүүрэн тэгш харилцааг бий болгож Эфэс групп 25-н нас хүрлээ. Бидний цаашдын амжилтын замнал илүү тод гялалзаж зорилгоороо жигүүрлэн өргөжин тэлэх болно.
Эфэс группийн халуун ам бүл болон харилцагч, хэрэглэгчидээ 25-н жилийн ойн баярын мэнд хүргэе.

"2021.12.06"

“ЭФЭС” СҮЛЖЭЭ ДЭЛГҮҮР ОЛОН УЛСЫН ЧАНАРЫН МЕНЕЖТИЙН ТОГТОЛЦОО ISO 9001:2015 СТАНДАРТЫГ НЭВТРҮҮЛЛЭЭ.

Эфэс группийн ууган компани Хулан Уул ХХК нь 25-н жилийн ойгоо угтан үйл ажиллагаагаа сайжруулах зорилгын хүрээнд ОУ-ын Чанарын менежментийн тогтолцоо ISO 9001:2015 стандартыг "Эфэс" сүлжээ болон "Эко хоум" дэлгүүрийн бүх салбарт нэвтрүүлж, Францын Афнор группийн Монголд дахь албан ёсны төлөөлөгч “МонСертф” ХХК-иар баталгаажуулж, гэрчилгээгээ гардан авлаа.

ЧМТ ISO 9001:2015 стандартыг нэвтрүүлэх болсон гол зорилго: Бид үйл ажиллагаагаа Монгол улсын холбогдох хууль тогтоомж болон ISO 9001:2015 стандартын шаардлагуудад нийцүүлэх, хэрэглэгчийн сэтгэл ханамжийг дээшлүүлэх, тэдгээрийн хэрэгцээнд тулгуурлан үйлчилгээгээ ил тод нээлттэй, түргэн шуурхай, хүнд сурталгүй, найдвартай, өөрийн гэсэн онцлог ялгаралттай, бараа бүтээгдэхүүний чанар стандартыг хангуулахад чиглэсэн хяналтын тогтолцоотой, байнгын сайжруулалтыг хийж байх зорилгоор Чанарын менежментийн тогтолцоо ISO 9001:2015 стандартыг 2021 оны 01 сараас эхлэн нэвтрүүлж эхэлсэн билээ.

Чанарын менежментийн тогтолцоо нь байнгын сайжруулалт, бүтээмж, хэрэглэгчийн сэтгэл ханамжийг дээшлүүлэхэд чиглэсэн эдийн засгийн үр ашигтай, Олон улсын хэмжээнд хүлээн зөвшөөрөгдсөн менежментийн шилдэг загвар стандарт юм.

Бид тус тогтолцоог нэвтрүүлснээр хэрэглэгчийн сэтгэл ханамжийг дээшлүүлж, бараа бүтээгдэхүүнд тавигдах хяналтыг сайжруулж, шаардлагатай арга хэмжээг тухай бүр авч шийдвэрлэн, борлуулалтаа нэмэгдүүлж, салбар дэлгүүрийн дотоод үйл ажиллагааг стандартжуулж, үйлчилгээний чанар, стандартыг бий болгож, ажилчдын сэтгэл ханамжийг дээшлүүлж чадсан нь бидний энэхүү зорилгын хүрээнд хүрсэн томоохон амжилт байв.

"2021.12.05"

ЭФЭС ГРУПП, ХУЛАН УУЛ ХХК-ИЙН ЧАНАРЫН УДИРДЛАГЫН ТОГТОЛЦОО

Хулан Уул ХХК нь ISO9001:2015 Олон улсын стандартыг үйл ажиллагаандаа нэвтрүүлж байгаа билээ. Манай компанийн баримтлах чанарын бодлогыг хэрэглэгч та бүхэндээ танилцуулж байна. "Компанийн стратегийн зорилго, төлөвлөлтийг дэмжсэн чанарын удирдлагын тогтолцоог бий болгож, хэрэглэгч, харилцагч, ажилтныхаа хэрэгцээ ба хүлээлт, хууль тогтоомж ба стандартын шаардлагад нийцүүлэн алхам тутамдаа хянан сайжруулж ажиллана."

"2021.09.13"

БИД "ЗҮГЭЭР БИТГИЙ ХАЯ" АЯНД НЭГДЛЭЭ.

Сүлжээ дэлгүүрт байрлах “Зүби сав” гялгар уутаа хийхдээ: 1. Материал: Зөөлөн буюу LDPE, LLDPE, HDPE тэмдэглэгээ бүхий бүхий л гялгар уутнууд 2. Таних: Ихэвчлэн зууралдаж урагддаг, дуу багатай гялгар 3. Савлагддаг бүтээгдэхүүн: Памперсны уут, талхны уут, 10,20,100,200 төгрөгний үнэтэй тор, дэлгүүрийн тор, оо цаас, сальфетканы уут, хиам махны уут, ундаа усны пакет, хүнсний скоч гэх мэт… 4. Бохирдлыг нь заавал цэвэрлэсэн байх ёстойг анхаараарай❗️ Та дараах байршлуудад шууд очоод гялгар уутаа өгөх боломжтой. 1. Өнгө нэм, Пластик центрийн оффис дээр /103-ын хажууд Шүрэн оффис 2 давхар 9 тоот (Мика зочид буудлын зүүн талд) 2. Эфэс худалдааны төв - Бөхийн өргөө салбар 3. Имарт худалдааны төв - ХУД дахь салбарт В1 давхарт урсдаг шатны хажууд 4. Номин - ХУД дахь Номин Юнайтед салбар 5. Боса худалдааны төв - Баян хошууны салбар 6. CU Mongolia - Blue Sky зүүн талын салбар 7. Сансар сүлжээ - СХД Содон хороолол салбар 8. М март сүлжээ дэлгүүр - СХД Цамба салбар 9. Миний дэлгүүр - БЗД Нарны зам дагуу Миний хайпермаркет төв дэлгүүр 10. Жүр үр бакери - Хорооллын эцэс салбар 11. Nitro B coffee - Blue sky баруун талд гялгар уутаа өгөх боломжтой.

"2021.08.30"

ХҮҮХЭД ЗАЛУУЧУУД, ГЭР БҮЛД ЭЭЛТЭЙ БАЙГУУЛЛАГА

Шинэ оны босгон дээр Нийслэлийн Гэр бүл, хүүхэд, залуучуудын хөгжлийн газраас Хулан Уул ХХК-г 2020 оны "ХҮҮХЭД ЗАЛУУЧУУД, ГЭР БҮЛД ЭЭЛТЭЙ БАЙГУУЛЛАГААР" шалгаруулсан цом, өргөмжлөлийг гардан авлаа. Энэ шагнал бидний хувьд хийж бүтээсэн зүйлсээрээ бахархах, цаашид нийгэмдээ, хүүхэд хөгшид, залуучууддаа чиглэсэн ажлыг илүү ихийг хийж бүтээх хүсэл эрмэлзлэлийг бий болгосон урмын шагнал байлаа. Бид бизнесийн байгууллага ч иргэддээ, хэрэглэгчиддээ, нийгэмдээ үр өгөөжтэй зүйлсийг бүтээж өгөхийг зорин ажилладаг билээ. Нийслэлийн Гэр бүл, хүүхэд, залуучуудын хөгжлийн газарт баярлалаа.

"2020.12.30"

ДЭЛХИЙН СТАНДАРТЫГ НЭВТРҮҮЛЭХ.

Эфэс-чүүд бид алхам тутамдаа үйл ажиллагаагаа сайжруулан, Хариуцлагатай хөгжихийг эрхэмлэж ирсэн билээ. Тэр ч утгаараа Хэрэглэгчээ халамжлан илүү ойртож, чанарыг түгээх зорилгоор дэлхийн стандартыг нэвтрүүлэх ажилдаа орлоо! Та ч бидэнтэй хамтран хэрэгжүүлээрэй!

Хэрэглэгч
Харилцагч
Хүн /Ажилтан/-аа бид дээдэлнэ!
ЭФЭС Маркет

"2020.10.31"

ЭФЭСЧҮҮД БИД ХОГ ХАЯГДЛЫГ ЯЛГАН АНГИЛДАГ БОЛЛОО.

Хүний хэрэглээ хязгааргүй ч хүссэн бүхнээ сонголттойгоор хэрэглэж, үйлдвэрлэгчид нь хэрэглэгчдийнхээ сэтгэл ханамж, хэрэгцээ шаардлагыг өндөрт тавьдаг технологийн хурдацтай хөгжлийн эрин зуунд бид бүхэн амьдарч байна. Хүний хэрэглээ ихсэх тусам бүтээгдэхүүний үйлдвэрлэл, нэр төрөл, тоо хэмжээ нэмэгдэж байдаг бөгөөд түүнээс гарах хог хаягдал дагаад өсч байдаг. Тиймээс дэлхийн улс орнууд хэрэглээнээсээ гарч буй хог хаягдлаа эх үүсвэр дээр нь багасгах, бууруулах, дахин ашиглах, дахин боловсруулах гэсэн хөгжлийн чиг хандлагаруу чиглэн ажиллаж байна. ✅Эфэс-чүүд бид ч дэлхийн хөгжлийн чиг хандлагаруу чиглэж үйл ажиллагаанаас үүсэх хог хаягдлаа дамжлага бүртээ ангилан ялгаж, цуглуулан тээвэрлүүлэх ажлыг эхлүүлээд байна. ✅Цаашид Эфэс-чүүд бид дахин боловсруулах боломжгүй хог хаягдлаа багасгах, цаашлаад хаягдалгүй үйлдвэрлэл бий болгохын төлөө зорин ажиллаж байна. Бид үйлчилгээнийнээ чанарт анхаарч үйлчлүүлэгч бүрээ хайрладаг ❤️ шигээ үүсгэж буй хог хаягдалдаа анхаарал тавьж, байгаль хүрээлэн буй орчноо хайрлан 💚 ажиллах болно. Эерэг бүхнийг бид дэмжинэ ЭФЭС.

"2020.10.24"

ЭФЭС-чүүд бид "ШАМБАЛА 2056" төсөлд нэгдлээ.

"Говийн Ирээдүйг Бүтээх" үйлсд хувь нэмрээ оруулж байгаадаа бид баяртай байгаа... Дэлхийн дулаарал, Цөлжилт, Байгаль экологийн доройтлоос сэргийлэн бидний үр хойчдоо үлдээж чадах хамгийн энгийн зүйл бол мод тарьж үлдээх юм. Ийм ч учраас ЭФЭС-чүүд бид "ШАМБАЛА 2056" төсөлд нэгдэж хамтран ажиллаж байна. Та бүхэн бас нэгдээрэй 🌳🌳🌳

"2020.10.08"